సైకాలజిస్ట్ విశేష్ వ్వక్తపరచిన అభిప్రాయములు

*సైకాలజిస్ట్  విశేష్ వ్వక్తపరచిన అభిప్రాయములు* 🌹🌹🌹🌹🌹🌹 #తప్పులెన్నువారు_తమతప్పులెరుగరయా 🚫 స్మార్ట్ ఫోన్ల వల్లనే పిల్లలు చెడిపోతున్నారు...

*సైకాలజిస్ట్  విశేష్ వ్వక్తపరచిన అభిప్రాయములు*
🌹🌹🌹🌹🌹🌹
#తప్పులెన్నువారు_తమతప్పులెరుగరయా

🚫 స్మార్ట్ ఫోన్ల వల్లనే పిల్లలు చెడిపోతున్నారు, వాటిని బ్యాన్ చేయాలి.
🚫 సినిమాల వల్లనే హింసా ప్రవత్తి పెరుగుతోంది, వాటిని నియంత్రించాలి.
🚫 టీవీ సీరియళ్ల వల్ల మానవ సంబంధాలు దెబ్బతింటున్నాయి, వాటిని చూడనివ్వకూడదు.
🚫 ఇంటర్నెట్ పెద్ద భూతంలా మారింది, దానికి దూరంగా ఉంచాలి.
🚫 స్కూళ్లు, కాలేజీలు మార్కులు, ర్యాంకుల మిల్లులుగా మారాయి, ఆ వ్యవస్థను మార్చాలి.
🚫 ఫ్రెండ్స్ ప్రభావం వల్ల టీనేజర్లు పెడధోరణులు పడుతున్నారు, వారికి దూరంగా ఉంచాలి.
🚫 పబ్జీ లాంటి వీడియో గేమ్స్ వల్ల ఆవేశం, హింసాప్రవత్తి పెరుగుతోంది, దాన్ని బ్యాన్ చేయాలి.
🚫 టిక్ టాక్ మోజులో పడి చదువు గాలికి వదిలేస్తున్నారు, లైక్స్ కోసం పెడధోరణులు పడుతున్నారు, దాన్ని బ్యాన్ చేయాలి.
🚫 యూట్యూబ్ లో చెత్త వీడియోలు చూసి చెడిపోతున్నారు, దాన్ని బ్యాన్ చేయాలి.
🚫 వాట్సాప్, స్నాప్ చాట్ ల్లో చెత్తంతా షేర్ చేసుకుని చెడిపోతున్నారు, వాటిని కంట్రోల్ చేయాలి.
🚫 సినిమాలు, సీరియల్స్, వీడియో గేమ్స్, యూట్యూబ్ షార్ట్ మూవీస్, నెట్ ఫ్లిక్స్, అమెజాన్ ప్రైమ్, టిక్ టాక్, పబ్జీ, వాట్సాప్, స్నాప్ చాట్, మద్యం, డ్రగ్స్, ఫ్రీసెక్స్... వీటన్నింటితో సమాజమే చెడిపోయింది. దీన్నెవ్వడూ బాగుచేయలేడు.
ఏదైనా సంఘటన జరిగినప్పుడు, పత్రికల్లో, టీవీల్లో వాటికి సంబంధించిన వార్తలు చూసినప్పుడు సగటు తల్లిదండ్రుల స్పందనిది. ఇక ఫేస్బుక్లో వీటిపై పెట్టే పోస్టుల గురించి చెప్పనక్కర్లేదు. తల్లిని చంపిన కూతురు, అత్తారింట్లో దొంగతనం చేసిన కోడలు వార్తల నేపథ్యంలో కూడా ఇలాంటి స్పందనే కనిపించింది. తల్లిని చంపి, శవాన్ని ఇంట్లోనే పెట్టుకుని, మూడు రోజులపాటు ప్రియుడితో గడిపేటంత క్రిమినల్ అయ్యేందుకు మీడియా, సోషల్ మీడియానే కారణమంటూ రకరకాల పోస్టులు కనిపించాయి.

#మీడియా_ప్రభావం_నిజమే
నిజమే పిల్లల ఆలోచన, ప్రవర్తనా సరళిపై మీడియా, సోషల్ మీడియా, టెక్నాలజీ ప్రభావం ఉంటుంది. అయితే ఎంతవరకు? కొంతవరకే. పిల్లలపై అత్యంత ప్రభావం చూపేది కుటుంబం, కుటుంబ వాతావరణం, తల్లిదండ్రుల ప్రవర్తన, వారి పెంపకం. కానీ ఈ వాస్తవాన్ని అంగీకరించేందుకు, ఆ బాధ్యతను అంగీకరించేందుకు మనం సిద్ధంగా లేము. ఎందుకంటే... మన పిల్లలు తప్పుదారి పట్టడానికి మనమే కారణమని అంగీకరించలేము. తల్లిదండ్రులందరూ తప్పు చేశారనను, చేస్తున్నారనను. పెళ్లయ్యాక పిల్లలు పుట్టడం సహజంగా జరిగే చర్య. కానీ పిల్లల పెంపకం అంత సులువుగా, సహజంగా జరిగే చర్య కాదు. అదో సైన్స్, ఆర్ట్. ఏ వయసులో పిల్లలు ఎలా పెరుగుతారో, ఎలా ఆలోచిస్తారో, ఎలా స్పందిస్తారో తెలియకుండానే, తెలుసుకోకుండానే పిల్లల్ని పెంచేస్తున్నాం. ఫలితమే ఇలాంటి సమస్యలు.

#మరి_ఈ_తప్పులెవరివి?
❓ఉదయం లేచింది మొదలు మొబైల్ లేదా ల్యాప్ టాప్ పై గడిపే తండ్రి తన కూతురు మొబైల్ ఫోన్ కు అడిక్ట్ అయ్యొందంటూ కౌన్సెలింగ్ కు తీసుకువచ్చారు. ఆ మొబైల్ కొనిచ్చిందెవరు? ఎవర్ని చూసి ఆమె మొబైల్ వాడకం నేర్చుకుంది? నువ్వు చేస్తుంది ఏంటి డాడీ అని ఆ అమ్మాయి అడిగితే ఆ తండ్రి ఏం సమాధానం చెప్తాడు?
❓చదువుకోసం, బంగారు భవిష్యత్తు అందించేందుకు కొడుకుని చిన్నప్పటినుంచీ ఇంటికి దూరంగా రెసిడెన్షియల్ స్కూళ్లు, కాలేజీల్లో చదివించిన తల్లిదండ్రులు ఇప్పుడు అమెరికాలో స్థిరపడిన కొడుకు తమను పట్టించుకోవడంలేదని బాధపడుతూ కౌన్సెలింగ్ కు వచ్చారు. బంధాలు, అనుబంధాలకు దూరంగా మార్కులు, ర్యాంకులకు దగ్గరగా పెంచి, ఇప్పుడు ఏడిస్తే ఏం లాభం?
❓కెనడాలో స్థిరపడిన ఓ భారతీయ కుటుంబం తమ కూతురు ఆల్కహాల్ కు అడిక్ట్ అయ్యిందంటూ సంప్రదించారు. కానీ తాగడం తమ దగ్గరినుంచే నేర్చుకుందనే విషయం దాచిపెడతారు. ఎవర్ని మోసం చేసేందుకు?
❓విజయవాడకు చెందిన ఓ వ్యాపారకుటుంబం తమ కూతురికి రోజుకు మూడు వేలు... ఎస్, రోజుకు మూడువేలు పాకెట్ మనీ ఇచ్చారు. అంత పాకెట్ మనీ ఇవ్వడం గర్వంగా ఫీలయ్యారు. ఇప్పుడదే సమస్యగా మారింది. కౌన్సెలింగ్ కు వచ్చారు. కూతురుకి రోజుకు మూడువేలిచ్చిన తండ్రి నా ఫీజు మాత్రం వెయ్యి తగ్గించి ఇచ్చాడు. దేనికి డబ్బు ఖర్చు పెట్టాలో, ఎక్కడ పొదుపుగా ఉండాలో తల్లిదండ్రులకే తెలియకపోతే ఆ పిల్లకెలా తెలుస్తుంది?
❓సౌత్ ఆఫ్రికాలో ఉద్యోగం చేస్తున్న యువకుడు ఒంటరితనంతో బాధపడుతున్నానంటూ సంప్రదించాడు. తన కుటుంబ సభ్యులు తన సంపాదన కోసమే చూస్తున్నారు తప్ప తనను పట్టించుకోవడంలేదని ఏడ్చేశాడు.
❓తిరుపతి చెందిన ఓ తండ్రి అమెరికాలో చదువుతున్న కొడుక్కి కారు కొనిపెట్టాడో తండ్రి. అతను దారితప్పి ఇండియాకు వచ్చేశాడు. ఏం చేయాలో తెలియని పరిస్థితుల్లో కౌన్సెలింగ్ కు తీసుకొచ్చారు. చదువుకునే కొడుక్కి కారు ఎందుకనే ప్రశ్న తండ్రికి రాలేదు. అవసరానికి (నీడ్) ఆడంబరానికి (వాంట్) మధ్య తేడా తెలీకుండా పెంచి ఇప్పుడు బాధపడితే ఏం ప్రయోజనం? కొడుక్కి కారు కొనిచ్చిన తండ్రి కౌన్సెలింగ్ ఫీజు దగ్గర మాత్రం కూరగాయల బేరాలాడటం కొసమెరుపు.

#ఏం_నేర్పిస్తున్నాం?
⁉ కొడుకు ప్రాజెక్టు వర్క్ కోసం ఆపీసు నుంచి ప్రింట్లు తీసుకొచ్చే తండ్రి పరోక్షంగా అతనికి ఏం నేర్పిస్తున్నాడు?
⁉ నచ్చిన చీర కొనుక్కుని ఆ విషయం భర్తకు చెప్పొద్దని చెప్పే తల్లి ఆ కూతురుకి ఏం నేర్పిస్తుంది?
⁉ పిల్లల ఎదురుగా భర్త లేదా భార్యతో గొడవపడటం ద్వారా మీరేం నేర్పిస్తున్నారు?
@ ఇంటికి బంధువులు వచ్చినప్పుడు నవ్వుతూ ఆహ్వానించి, వారు వెళ్లిపోగానే విమర్శించే మీనుంచి పిల్లలు ఏం నేర్చుకుంటారో తెలుసా?
@ లంచాలు తీసుకుంటూ ఏసీబీకి పట్టుబడిని తల్లిపై బిడ్డలకు ఏం గౌరవం ఉంటుంది?
@ పిల్లలు చదువుతుండగా మీరు టీవీ చూస్తుంటే వారిపట్ల మీకేం శ్రద్ధ ఉన్నట్లు?
పిల్లల్ని కూర్చోబెట్టుకుని జబర్దస్త్ లాంటి షోలు చూస్తూ ఎంజాయ్ చేస్తుంటే విలువలు ఎక్కడినుంచి వస్తాయి
@ మార్కులు, ర్యాంకుల గురించి కాకుండా ఇతర విషయాల గురించి మీరెప్పుడైనా మాట్లాడారా? వారి ఇష్టాయిష్టాలేమిటో తెలుసుకున్నారా? అసలు వారికిష్టమైన కోర్సు చదవనిచ్చారా?
⁉ చదువుల పేరుతో లక్షలకు లక్షలు ఖర్చుచేస్తున్న తల్లిదండ్రులు తమ పిల్లలకు సరైన తీరులో ఆలోచించడం నేర్పిస్తున్నారా? దానికోసం రూపాయైనా ఖర్చు చేస్తున్నారా?
⁉ అసలు పిల్లల్ని ఎలా పెంచాలో మీకు తెలుసా? అందుకోసం కనీసం ఒక్క పుస్తకమైనా కొని చదివారా? ఒక్క వీడియో అయినా చూశారా? ఒక్క క్లాసయినా విన్నారా?
⁉ అవసరానికి, ఆడంబరానికి మధ్య ఉన్న తేడా మీ పిల్లలకు తెలిసేలా చేశారా?
⁉ సరదాకు, విచ్చలవిడితనానికి తేడా ఏమిటో వివరించారా?
⁉ వారి జీవితానికి వారే బాధ్యులని ఎన్నడైనా చెప్పారా?
⁉ మీ పిల్లలు చెడిపోవడానికి మీడియా, సోషల్ మీడియా, టెక్నాలజీనే కారణమని తిడుతూ మీరు మీ బాధ్యతనుంచి తప్పించుకుంటున్నారని ఎన్నడైనా గుర్తించారా?
మీ పిల్లలు మిమ్మల్ని నిరంతరం గమనిస్తుంటారని, మిమ్మల్నే అనుసరిస్తారని, వారిపై అన్నింటికంటే మీ ప్రభావమే ఎక్కువని తెలుసుకోండి.
అన్నిటికీ సమాజాన్ని తిట్టడం మానేసి మార్పు మీనుంచి, మీ ఇంటినుంచి మొదలుపెట్టండి.

COMMENTS

Name

Aadhaar,1,E-TAX,1,EC,4,Ganesh-Wallpapers,1,Good Morning,1,GoodNight-Images,1,Hanuman-Wallpapers,1,Health,3,Health Card,2,heath-tips,1,HOSPITALS IN WARANGAL,1,html codes,1,Jesus-Wallpapers,1,Kalyana Lakshmi,2,Krishna-Wallpapers,1,Land,1,Land-Recrods,1,LordHindu-Wallpapers,1,LordShiva-Wallpapers,1,Meeseva,100,Murugan-Wallpapers,1,New-Year-Images,1,Online Applications,2,Pancard,3,PASSPORT,1,Pension,4,Rama-Wallpapers,1,Ration-Card,11,Registration,6,Registration-stamps-Department,1,RTA,8,RTA Service,5,Sadarem,1,sbi kiosk bank,6,Scholarships,11,story,3,Telangana,6,Telangana Govt Sites,1,Telangana scheme,2,Temple,1,Temple in India,5,Top Hotel Management Colleges,1,Top Medical Colleges,1,TS Land,1,vantalu-telugu,18,Voter-Id,6,WARANGAL HISTORY,7,మతం,1,శుభాకాంక్షలు,1,
ltr
item
MeesevaWarangal.com: సైకాలజిస్ట్ విశేష్ వ్వక్తపరచిన అభిప్రాయములు
సైకాలజిస్ట్ విశేష్ వ్వక్తపరచిన అభిప్రాయములు
MeesevaWarangal.com
http://www.meesevawarangal.com/2019/11/blog-post_53.html
http://www.meesevawarangal.com/
http://www.meesevawarangal.com/
http://www.meesevawarangal.com/2019/11/blog-post_53.html
true
2381913438435630985
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content